AHIM

01:34

21-10

RESULI BIBIXANIM

Sual: Salam .hervaxtiniz xeyr men 2 ildir aile qurmusam, bosanmaq istiyirem., bunun ucun huquqi bolgu haqqinda mene melumat vere bilersini ? Birde ki ,adimi ve soy adimi deyismek ucun hansi senedler teleb olunur?

Cavab:

Nikah müddətində ər-arvadın əldə etdikləri əmlak onların ümumi birgə mülkiyyəti sayılır. Ər-arvadın ümumi birgə mülkiyyətinə: onların hər birinin əmək, sahibkarlıq və intellektual fəaliyyəti nəticəsində əldə etdikləri gəlirlər, aldıqları pensiya və müavinətlər, eləcə də xüsusi təyinatı olmayan digər pul ödəmələri (şikəstlik, sağlamlığın bu və ya digər formada pozulması nəticəsində əmək qabiliyyətinin itirilməsinə görə ödənilən məbləğ, maddi yardımın məbləği və s.); ər-arvadın ümumi gəlirləri hesabına əldə edilən daşınar və daşınmaz əşyalar, qiymətli kağızlar, kredit idarələrinə və ya sair kommersiya təşkilatlarına qoyulmuş paylar, əmanətlər, kapitaldan olan paylar və əmlakın ər-arvaddan kimin adına əldə olunmasından, yaxud əmanətin kimin adına və ya kim tərəfindən qoyulmasından asılı olmayaraq nikah dövründə ər-arvadın qazandığı hər hansı sair əmlak daxildir. Yəni, boşanma zamanı, bu əmlak bərabər şəkildə ər-arvad arasında bölünür.

Nikaha daxil olanadək onlara məxsus olan əmlak, habelə nikah dövründə hədiyyə şəklində və ya vərəsəlik qaydasında, digər əvəzsiz əqdlər üzrə əldə etdikləri əmlak ər-arvadın hər birinin ayrıca mülkiyyətindədir (ər-arvadın hər birinin əmlakıdır).

Zinət əşyaları istisna olmaqla, fərdi istifadə şeyləri (geyim, ayaqqabı və s.) nikah zamanı ər-arvadın ümumi vəsaiti hesabına əldə edilsə də, ər-arvaddan kimin istifadəsində olubsa, ona məxsusdur.

02:48

20-10

MURAD İBRAHIMOV

Sual: Salam. Biz boşanmaq üzrəyik. İşimiz məhkəmədədi. Uşaqlar anası ilə rusiyada yaşayır. Azərbaycan vətəndaşlarıdı. Məhkəmə uşaqları anasında saxlasa və anası uşaqları mənə göstərməkdən imtina etsə uşaqların mənə verilməsinə dair və uşaqların Rusiyadan Azərbaycana gətirilməsinə dair yenidən iddia qaldira bilərəmmi? Xatırladım ki, mənim rusiyaya girişimə qadağa var. gedə bilmirəm Rusiyaya. Əvvəlcədən təşəkkürlər.

Cavab:

AR Ailə Məcəlləsinin 58.1-ci maddəsinə əsasən valideynlər uşaqlarını tərbiyə etmək hüququna malikdirlər və uşaqlarını tərbiyə etməyə borcludurlar.

Həmin Məcəlləsinin 58.2-ci maddəsinə görə valideynlər uşaqların tərbiyəsinə, sağlamlığına və onların psixi, fiziki, mənəvi inkişafına görə məsuliyyət daşıyırlar.

Həmin Məcəlləsinin 61.2. Uşaqlarla yaşayan valideyn uşağın fiziki, psixi sağlamlığına, onun əxlaqi inkişafına zərər yetirməyən digər valideynlə uşağın ünsiyyətinə mane olmamalıdır.

Həmin Məcəlləsinin 61.3. Uşaqlarından ayrı yaşayan valideynlər valideynlik hüququnun həyata keçirilməsi qaydası haqqında yazılı saziş bağlaya bilərlər. Valideynlər razılığa gələ bilmədikdə, mübahisə onların (onlardan birinin) tələbi əsasında (yerli icra hakimiyyətlərinin qəyyumluq və himayə orqanlarının) iştirakı ilə məhkəmə tərəfindən həll edilir.

Həmin Məcəlləsinin 61.4. Məhkəmənin qətnaməsinə əməl etməyən valideynə qarşı mülki-prosessual qanunvericiliyə uyğun ölçü götürülür. Bu qətnaməyə qəsdən əməl edilmədikdə, məhkəmə uşaqdan ayrı yaşayan valideynin tələbi ilə uşağın mənafeyi və rəyi nəzərə alınmaqla onun həmin valideynə verilməsi haqqında qətnamə qəbul edə bilər.

Göründüyü kimi, hal-hazırda həyat yoldaşınızla yazılı saziş bağlamaqla gələcəkdə uşağınızla ünsiyyətdə olmaq qaydasını müəyyənləşdirə bilərsiniz. Əgər bu barədə razılıq əldə edə bilməsəniz, məhkəməyə müraciət etmək hüququnuz vardır. Məhkəmə Sizin uşağınızla ünsiyyət qurmaq hüququnuzdan, o cümlədən bu məsələdə uşağınızın hüquq və marağının müdafiəsinin zəruriliyindən çıxış edərək və işin hallarını nəzərə alaraq Sizin uşağınızla ünsiyyət qurmaq hüququnuzun həyata keçirilməsi qaydasını (ünsiyyətin vaxtı, yeri, müddəti və s.) müəyyənləşdirməlidir.

02:25

20-10

CAVIDAN

Sual: Salam. Mən keçmiş həyat yoldaşımla məhkəmə qaydasında boşanmışam. Məhkəmə qərarı ilə də 3 yaşında qızım üçün həftənin şənbə və bazar günləri 3 saat (anasının iştirakı ilə) görüş izni verilibdir. Lakin keçmiş həyat yoldaşımının məni şərləməsindən qorxduğum üçün uşaqla həmin günlər də görüşə bilmirəm. Qızım uşaq bağçasına gedir. Xahiş edirəm mənim aşağıdakı sualıma ətraflı cavab verəsiniz: MƏN ÖZ QIZIMI UŞAQ BAĞÇASINDA MANEƏSİZ GÖRƏ BİLƏRƏMMİ? Alimentİ də vaxtı vaxtında verirəm. Qanunlara görə mən də öz övladımın tərbiyəsində iştirak edə bilərəm. İkinci sualım budur: NECƏ? Mümkündürsə email ünvanıma da cavab göndərəsiniz. ƏVVƏLCƏDƏM MİNNƏTDARLIĞIMI BİLDİRİRƏM!

Cavab:

AR Ailə Məcəlləsinin 58.1-ci maddəsinə əsasən valideynlər uşaqlarını tərbiyə etmək hüququna malikdirlər və uşaqlarını tərbiyə etməyə borcludurlar.

Ailə Məcəlləsinin 58.2-ci maddəsinə görə valideynlər uşaqların tərbiyəsinə, sağlamlığına və onların psixi, fiziki, mənəvi inkişafına görə məsuliyyət daşıyırlar.

Ailə Məcəlləsinin 61.3-cü maddəsinə görə uşaqlarından ayrı yaşayan valideynlər valideynlik hüququnun həyata keçirilməsi qaydası haqqında yazılı saziş bağlaya bilərlər. Valideynlər yazılı razılığa gələ bilmədikdə, mübahisə onların (onlardan birinin) tələbi əsasında müvafiq icra hakimiyyəti orqanının (yerli icra hakimiyyətlərinin qəyyumluq və himayə orqanlarının) iştirakı ilə məhkəmə tərəfindən həll edilir.

Göründüyü kimi, keçmiş həyat yoldaşınızla yazılı saziş bağlamaqla uşağınızla ünsiyyətdə olmaq qaydasını müəyyənləşdirə bilərsiniz. Əgər bu barədə razılıq əldə edə bilməsəniz, məhkəməyə müraciət etmək hüququnuz vardır. Məhkəmə Sizin uşağınızla ünsiyyət qurmaq hüququnuzdan, o cümlədən bu məsələdə uşağınızın hüquq və marağının müdafiəsinin zəruriliyindən çıxış edərək və işin hallarını nəzərə alaraq Sizin uşağınızla ünsiyyət qurmaq hüququnuzun həyata keçirilməsi qaydasını (ünsiyyətin vaxtı, yeri, müddəti və s.) müəyyənləşdirməlidir.

02:21

19-10

NIHAT AGALAROV

Sual: Salam.eger dogum haqqinda şehadetname itibse bununla bagli hara muraciet olunmalidir...? 40-45il bundan once alinmish bir sened onceden teshekkur

Cavab:

VVADQ (ZAQS) orqanlarına və ya ASAN xidmət mərkəzlərinə müraciət edə bilərsiniz.

11:16

14-10

ELIYEVA NEZRIN

Sual: Salam bir sualim var usagin 9 yasi var ata ana bosanir usaq anaya getmek istemir usagi zorla mehkeme anaya vere biler???

Cavab: Məhkəmə təcrübəsi göstərir ki, uşaq əksər hallarda anasının yanında qalır. Burada uşağın yaşından çox şey asılıdır. Bir qayda olaraq, 14 yaşına çatmamış uşaqlar məhkəmə tərəfindən analarının yanında saxlanılır. BMT Baş Məclisinin 1386 (XIV) nömrəli, 20 noyabr 1959-cu il tarixli qətnaməsi ilə qəbul olunmuş Uşaq Hüquqları Bəyannaməsinin 6-cı prinsipinə görə azyaşlı uşaq müstəsna hallardan başqa, anasından alına bilməz. Burada müstəsna hallar dedikdə, ananın uşağın tərbiyəsi və inkişafı ilə məşğul olmaq imkanından məhrum olmasına dəlalət edən hallar başa düşülür. Məsələn, ananın psixi xəstəliyi, narkomaniya, alkoqolizm və ağır xəstəlikdən əziyyət çəkməsi, uşaqla qəddar rəftara yol verməsi, onlara qarşı psixi və fiziki zor tətbiq etməsi, valideynlik hüquqlarından sui-istifadə etməsi və s. Məhkəmə qeyd edilən müstəsna hallarda, uşaq atasının yanında saxlanıla bilər. On yaşına çatmış uşaqların valideynlərdən hansının yanında qalması məsələsi məhkəmə tərəfindən uşağın mənafelərindən çıxış edilərək və uşağın fikri mütləq nəzərə alınaraq həll olunur. Bu halda, atanın, uşağın onun yanında qalması şansı müəyyən qədər artır. Məhkəmə uşağın yaşını, onun hər iki valideynə, bacı və qardaşına bağlılığını, valideynlərin əxlaqi və digər dəyərlərini, valideynin iş rejimi də nəzərə alınmaqla onun uşağı tərbiyə etməsinin mümkünlüyünü, valideynlərin maddi və ailə vəziyyətlərini nəzərə alır. Qeyd edək ki, valideynlərdən birinin maddi-məişət şəraitinin yüksək olması özü-özlüyündə uşağın onun yanında qalmsı tələbinin təmini üçün ona mütləq və şərtsiz üstünlük vermir.

Beləliklə, uşağın atanın yanında qalması mübahisənin faktiki hallarından asılıdır və bu məsələdə səlahiyyətli orqan işə baxan məhkəmədir.

08:29

13-10

NOVRUZOVA FIRENGIZ

Sual: salam.atam Qarabag elili idi,rehmete gedib.anamdan da ayrilmiwdi atam.indi biz 2qizi olaraq ev novbesini adimiza sakdirmaq isteyiik.ancaq deyirler ki ancaq yoldasina dusur ev novbesi ve bizi cixardirlar novbeden.duzgundurmu bu?

Cavab:

Azərbaycan Respublikası Mənzil Məcəlləsinin 55.3-cü maddəsinə əsasən, Mənzil şəraitinin yaxşılaşdırılmasına ehtiyacı olan şəxs qismində uçota durmuş müharibə əlili vəfat etdiyi halda, güzəştli mənzil uçotu onun ailə üzvləri üçün müvafiq icra hakimiyyəti orqanı tərəfindən müəyyən olunmuş qaydada saxlanılır. Burada müvafiq icra hakimiyyət orqanı Nazirlər Kabineti hesab olunur.

Əgər ananız 2 il əvvəl atanızdan rəsmi qaydada boşanıbsa o, ailə üzvü hesab olunur. Belə ki, Mənzil növbəsinə Sizin durmaq hüququnuz var.

02:25

13-10

ADIL

Sual: Mən 01.07.2014-cü il tarixindən "A" şirkətində baş mühasib vəzifəsindən öz xahişimlə işdən azad olunmuşam. Lakin bu günədək əmək kitabçam və son haqq-hesab (istifadə olunmamış məzuniyyətə görə kompensasiya) mənə ödənilməmişdir. Sizdən xahiş edirəm ki, keçmiş 3 ay müddətində mənə vurulmuş maddi ziyanın ödənilməsi və əmək kitabçamın verilməsi tələbi ilə məhkəməyə müraciət etmək üçün qanunvericiliyin hansı maddələrinə əsaslanmalı olduğumu bildirəsiniz.

Cavab:

Azərbaycan Respublikasının Əmək Məcəlləsinin 87-ci maddəsinə əsasən İşçinin əmək fəaliyyəti haqqında sənəd əmək kitabçası hesab edilir. İşçinin əmək fəaliyyəti haqqında sənəddə onun əmək stajı haqqında — işə girdiyi gün, ay, il, işlədiyi peşəsi (vəzifəsi), işdən çıxarılmanın əsası, günü, ayı və ili barədə qeydlər göstərilir.

Ailə kəndli təsərrüfatı üzvlərinin əmək fəaliyyətini və əmək stajını təsdiq edən sənəd bələdiyyələr tərəfindən verilən vəsiqə hesab edilir. ^[93]

2. İşəgötürən 5 gündən artıq işləyən bütün işçilərin əmək kitabçasında onların işə qəbul edilməsi, başqa daimi işə keçirilməsi, əmək müqaviləsinə xitam verilməsi barədə müvafiq qeydləri yazmalıdır.

3. İşdən çıxan işçilərə əmək kitabçası əmək müqaviləsinə xitam verildiyi gün (sonuncu iş günü) verilir.

06:53

10-10

ELNUR HüSEYNOV

Sual: 2011-ci ildə boşanmışam, nikahdan 1 uşağımız var, anası 2 ilə yaxındır ki, rəsmi nikaha daxil olub və hal-hazırda Türkiyə Respublikasında öz yeni ailəsi və mənimlə birgə nikahdan olan uşağımızla yaşayır. Həmin vaxtdan indiyədək mən övladımı görə bilmirəm. Lakin buna baxmayaraq, hər ay məndən aliment tutulur. Sualım belədir ki, mən alimentin ödənilməsinə xitam verilməsi ilə əlaqədar məhkəməyə müraciət etsəm, xitam verilə bilərmi ?

Cavab:

AR Ailə Məcəlləsinə əsasən, valideynlər uşaqlarını saxlamağa borcludurlar.

09:42

09-10

BEHMAN ZAKIROV

Sual: salam menim babam vefat edib. Bilmek isteyiremki onun nikahinda olan yoldasinin nikahini pozmaq olarmi?

Cavab:

Azərbaycan Respublikası Ailə Məcəlləsinin 14.1-ci maddəsinə əsasən, Ər (arvad) öldükdə, yaxud məhkəmə qaydasında ölmüş elan edildikdə nikaha xitam verilir.

15:09

02-10

NOVRUZOVA FIRENGIZ

Sual: salam.men size sual yazmisdim.ata qarabag elilidir ve bu mayda vefat etdi.indi onun menzil novbesi ancaq anamin adina kecmelidir deyirler.ancaq anam atamdan 2il evvel bosanib.atamin 2qizi var.menzil novbesi ovladlarina dusmur?mutleq yoldasina kecmelidi?eger dusmurse biz ovladlari olaraq ne etmeliyik?cox sagolun

Cavab:

Azərbaycan Respublikası Mənzil Məcəlləsinin 55.3-cü maddəsinə əsasən, Mənzil şəraitinin yaxşılaşdırılmasına ehtiyacı olan şəxs qismində uçota durmuş müharibə əlili vəfat etdiyi halda, güzəştli mənzil uçotu onun ailə üzvləri üçün müvafiq icra hakimiyyəti orqanı tərəfindən müəyyən olunmuş qaydada saxlanılır. Burada müvafiq icra hakimiyyət orqanı Nazirlər Kabineti hesab olunur.

Əgər ananız 2 il əvvəl atanızdan rəsmi qaydada boşanıbsa o, ailə üzvü hesab olunur. Belə ki, Mənzil növbəsinə Sizin durmaq hüququnuz var.