Azərbaycan Respublikasının Prezidenti yanında Qeyri-Hökmət Təşkilatlarına Dövlət Dəstəyi Şurası

Baku, Fuzuli (former Basin) str. 49, "SKS" Plaza, 8th floor
Tel/Fax: +994 12 492 28 83
             +994 12 492 03 57
E-mail: info@lawreform.az

LEGAL COUNSEL

Secure code           

12:51

29-10

LAMIYE ELIYEVA

Question: Salam,hormetli huquqsunas.Ana bosanmadan sonra atadan ne qeder aliment teleb ede biler? Bildiyimiz qederile bu maasin 1/4 hissesi qeder olur. Ancaq atanin maasi cemi 120 manatdir ki, bunun da 1/4-i 30 manat edir. Bu ise usagin telabatini tam odemeye yetmir. Ana standart miqdarda (103 manat) aliment verilmesini teleb ede bilermi? Bunun ucun ne etmelidir? Umumiyyetle alimentin maksimum miqdari ne qederdir? Miqdar deyiskenliyi neden asilidir? Xahis edirem ki, suallarima dolgun cavab veresiniz, evvelceden tesekkurumu bildirirem.

Answer: Ailə qanunvericiliyi ilə uşaqlar üçün məhkəmə qaydasında tutulan məbləğn miqdarı da qeyd olunmuşdur. Belə ki, Aliment ödənilməsi barədə razılıq olmadıqda uşaqlar üçün onların valideynlərindən məhkəmə tərəfindən hər ay aşağıdakı miqdarda aliment tutulur:


1 uşağa görə—qazancın və (və ya) valideynlərin başqa gəlirlərinin dörddə bir hissəsi;
2 uşağa görə—qazancın (başqa gəlirlərin) üçdə bir hissəsi;
3 və daha çox uşağa görə—qazancın (başqa gəlirlərin) yarısı.

yuxarıda göstərilən payların miqdarı məhkəmə tərəfindən tərəflərin ailə və maddi vəziyyəti, eləcə də diqqətəlayiq olan başqa hallar nəzərə alınmaqla azaldıla və artırıla bilər. Belə ki, şəxs alimentin miqdarının dəyişdirilməsini tələb edə bilər. Məhkəməninmüəyyən olunmuş aliment miqdarını dəyişdirmək hüququ  Ailə Məcəlləsinin 112.1-ci maddəsində təsbit olunmuşdur. Məhkəmə bu hüququnu tərəflərdən birinin tələbi ilə əgər onlardan birinin ailə və ya maddi vəziyyətində dəyişiklik olmuşsa, həyata keçirə bilər.

13:17

24-10

ISMIYEV ULVI

Question: salam.nigah olmadan bir qadinin usaqi olarsa , aliment ala biler ?

Answer:

 
Bəli, ala bilər.

15:46

22-10

GULTAC

Question: Salam menım atam qarabag elılıdır ve menzıl novbesınde adı var.atam rehmete gedıb anam 2011ci il mart ayında bosanıb atamdan.oyrenmek ısteyırem kı ev novbesı anama duse bıler ya uwaqlarına?

Answer:

Azərbaycan Respublikası Mənzil Məcəlləsinin 55.3-cü maddəsinə əsasən, mənzil şəraitinin yaxşılaşdırılmasına ehtiyacı olan şəxs qismində uçota durmuş müharibə əlili vəfat etdiyi halda, güzəştli mənzil uçotu onun ailə üzvləri üçün müvafiq icra hakimiyyəti orqanı tərəfindən müəyyən olunmuş qaydada saxlanılır. Əgər ananız qeyd edtdiyiniz kimi, 3 il əvvəl atanızdan rəsmi qaydada boşanıbsa o, ailə üzvü hesab olunmur. Belə olan halda, mənzil növbəsinə Sizin durmaq hüququnuz yaranır.

02:27

22-10

NEZRIN QASIMOVA

Question: menim 17yasim var zaksa duse bilerem?

Answer:

Azərbaycan Respublikasında nikah yaşı 18 yaş müəyyən olunur. Lakin, üzrlü səbəblər olduqda, nikaha daxil olmaq istəyən və nikah yaşına çatmamış şəxslərin yaşadıqları ərazinin müvafiq icra hakimiyyəti orqanı onların xahişi ilə nikah yaşının 1 ildən çox olmayaraq azaldılmasına icazə verə bilər.

08:30

21-10

ELNUR QASıMLı

Question: Salam. Xalamın (qohumumuzdu elə deyirik, atamın xalası qızı) Qobu qəsəbəsində həyət evi var. Bir həyətdə iki ədəd birmərtəbəli evdir. Xalamın adına torpağın mülkiyyətə verilməsi haqqında şəhadətnamə var. Şəhadətnaməni xalama Dövlət Torpaq və Xəritəçəkmə Komitəsinin Abşeron rayon şöbəsi verib. Sənədi DTXK-nin Dövlət Yerquruluşu Layihə İnstitutu möhürlə təsdiq edib. Şəhadətnamə xalama 2006-cı ildə verilib. Evin şəhadətnamədən başqa sənədi yoxdur. Xalam evi mənə və əmim oğluna tən bərabər hissələrlə bağışlamaq istəyir. Xalam gərək əvvəl evə daşınmaz əmlakın dövlət reyestrindən çıxarış alsın? Xalamın adına kupça çıxsa bir həyət evinin kupçasını iki kupça etmək olar. Biri mənim adıma, o biri isə əmimoğlunun adına. Mənə birmərtəbəli ev və 8 sot həyət, əmim oğluna birmərtəbəli ev və 8 sot həyət düşür. Xalam mənə və əmim oğluna kupça vermək üçün nə etsin?

Answer:

Məlumat üçün Sizə bildirilir ki,
AR ƏMDK yanında Daşınmaz Əmlakın Dövlət Reyestri Xidməti torpaq sahəsi, mənzil, fərdi yaşayış evi və sair daşınmaz əmlaklar üzərində hüquqların dövlət qeydiyyatını aparan orqandır və bu hüquqlar həmin orqan tərəfindən verilən müvafiq Çıxarışla rəsmiləşdirilir. 
Deməli xala hesab etdiyiniz şəxsin ilk öncə AR ƏMDK yanında DƏDRX ev (mənzil) üzərində mülkiyyət hüququnun daşınmaz əmlakın dövlət reyestrində qeydə alınmış olması və bu barədə onun çıxarışın alınması lazımdır. Daha sonram isə Siz alqı-satqı (və ya bağışlamanı) həyata keçirməli və (bölgü planı əsasında) torpaq sahələrinə payınıza uyğun çıxarış almalısınız.
Qeyd: Alqı-satqı (və ya bağışlama) müqaviləsi notariat qaydasında təsdiqlənməlidir.

02:20

21-10

AZER

Question: Salam, men bilmek isterdim ki, ishe goturen oz ischisini ishden sebebsiz ve ya ish bitimi ile elaqedar olaraq ishden azad etmek istedikde o oz ishcisine nece gun onceden xeberadrliq vermelidir, ve bunun ucun oz ishcisine eger emek muqavilesi bitmeyibse tezminat vermelidirmi ? Tesekkurler

Answer:

Hörmətli vətəndaş, nəzərinizə çatdırmaq istərdik ki, işəgötürən işçini səbəbsiz yerə işdən çıxara bilməz. Təzminatla bağlı məsələyə isə, əmək müqaviləsi ilə tanış olaraq aydınlıq gətirə bilərsiniz.

01:34

21-10

RESULI BIBIXANIM

Question: Salam .hervaxtiniz xeyr men 2 ildir aile qurmusam, bosanmaq istiyirem., bunun ucun huquqi bolgu haqqinda mene melumat vere bilersini ? Birde ki ,adimi ve soy adimi deyismek ucun hansi senedler teleb olunur?

Answer:

Nikah müddətində ər-arvadın əldə etdikləri əmlak onların ümumi birgə mülkiyyəti sayılır. Ər-arvadın ümumi birgə mülkiyyətinə: onların hər birinin əmək, sahibkarlıq və intellektual fəaliyyəti nəticəsində əldə etdikləri gəlirlər, aldıqları pensiya və müavinətlər, eləcə də xüsusi təyinatı olmayan digər pul ödəmələri (şikəstlik, sağlamlığın bu və ya digər formada pozulması nəticəsində əmək qabiliyyətinin itirilməsinə görə ödənilən məbləğ, maddi yardımın məbləği və s.); ər-arvadın ümumi gəlirləri hesabına əldə edilən daşınar və daşınmaz əşyalar, qiymətli kağızlar, kredit idarələrinə və ya sair kommersiya təşkilatlarına qoyulmuş paylar, əmanətlər, kapitaldan olan paylar və əmlakın ər-arvaddan kimin adına əldə olunmasından, yaxud əmanətin kimin adına və ya kim tərəfindən qoyulmasından asılı olmayaraq nikah dövründə ər-arvadın qazandığı hər hansı sair əmlak daxildir. Yəni, boşanma zamanı, bu əmlak bərabər şəkildə ər-arvad arasında bölünür.

Nikaha daxil olanadək onlara məxsus olan əmlak, habelə nikah dövründə hədiyyə şəklində və ya vərəsəlik qaydasında, digər əvəzsiz əqdlər üzrə əldə etdikləri əmlak ər-arvadın hər birinin ayrıca mülkiyyətindədir (ər-arvadın hər birinin əmlakıdır).

Zinət əşyaları istisna olmaqla, fərdi istifadə şeyləri (geyim, ayaqqabı və s.) nikah zamanı ər-arvadın ümumi vəsaiti hesabına əldə edilsə də, ər-arvaddan kimin istifadəsində olubsa, ona məxsusdur.

02:48

20-10

MURAD İBRAHIMOV

Question: Salam. Biz boşanmaq üzrəyik. İşimiz məhkəmədədi. Uşaqlar anası ilə rusiyada yaşayır. Azərbaycan vətəndaşlarıdı. Məhkəmə uşaqları anasında saxlasa və anası uşaqları mənə göstərməkdən imtina etsə uşaqların mənə verilməsinə dair və uşaqların Rusiyadan Azərbaycana gətirilməsinə dair yenidən iddia qaldira bilərəmmi? Xatırladım ki, mənim rusiyaya girişimə qadağa var. gedə bilmirəm Rusiyaya. Əvvəlcədən təşəkkürlər.

Answer:

 
AR Ailə Məcəlləsinin 58.1-ci maddəsinə əsasən valideynlər uşaqlarını tərbiyə etmək hüququna malikdirlər və uşaqlarını tərbiyə etməyə borcludurlar.
 Həmin Məcəlləsinin 58.2-ci maddəsinə görə valideynlər uşaqların tərbiyəsinə, sağlamlığına və onların psixi, fiziki, mənəvi inkişafına görə məsuliyyət daşıyırlar.
Həmin Məcəlləsinin 61.2. Uşaqlarla yaşayan valideyn uşağın fiziki, psixi sağlamlığına, onun əxlaqi inkişafına zərər yetirməyən digər valideynlə uşağın ünsiyyətinə mane olmamalıdır.
Həmin Məcəlləsinin 61.3. Uşaqlarından ayrı yaşayan valideynlər valideynlik hüququnun həyata keçirilməsi qaydası haqqında yazılı saziş bağlaya bilərlər. Valideynlər razılığa gələ bilmədikdə, mübahisə onların (onlardan birinin) tələbi əsasında (yerli icra hakimiyyətlərinin qəyyumluq və himayə orqanlarının) iştirakı ilə məhkəmə tərəfindən həll edilir.
Həmin Məcəlləsinin 61.4. Məhkəmənin qətnaməsinə əməl etməyən valideynə qarşı mülki-prosessual qanunvericiliyə uyğun ölçü götürülür. Bu qətnaməyə qəsdən əməl edilmədikdə, məhkəmə uşaqdan ayrı yaşayan valideynin tələbi ilə uşağın mənafeyi və rəyi nəzərə alınmaqla onun həmin valideynə verilməsi haqqında qətnamə qəbul edə bilər.
 Göründüyü kimi, hal-hazırda həyat yoldaşınızla yazılı saziş bağlamaqla gələcəkdə uşağınızla ünsiyyətdə olmaq qaydasını müəyyənləşdirə bilərsiniz. Əgər bu barədə razılıq əldə edə bilməsəniz, məhkəməyə müraciət etmək hüququnuz vardır. Məhkəmə Sizin uşağınızla ünsiyyət qurmaq hüququnuzdan, o cümlədən bu məsələdə uşağınızın hüquq və marağının müdafiəsinin zəruriliyindən çıxış edərək və işin hallarını nəzərə alaraq Sizin uşağınızla ünsiyyət qurmaq hüququnuzun həyata keçirilməsi qaydasını (ünsiyyətin vaxtı, yeri, müddəti və s.) müəyyənləşdirməlidir.
 
 

02:25

20-10

CAVIDAN

Question: Salam. Mən keçmiş həyat yoldaşımla məhkəmə qaydasında boşanmışam. Məhkəmə qərarı ilə də 3 yaşında qızım üçün həftənin şənbə və bazar günləri 3 saat (anasının iştirakı ilə) görüş izni verilibdir. Lakin keçmiş həyat yoldaşımının məni şərləməsindən qorxduğum üçün uşaqla həmin günlər də görüşə bilmirəm. Qızım uşaq bağçasına gedir. Xahiş edirəm mənim aşağıdakı sualıma ətraflı cavab verəsiniz: MƏN ÖZ QIZIMI UŞAQ BAĞÇASINDA MANEƏSİZ GÖRƏ BİLƏRƏMMİ? Alimentİ də vaxtı vaxtında verirəm. Qanunlara görə mən də öz övladımın tərbiyəsində iştirak edə bilərəm. İkinci sualım budur: NECƏ? Mümkündürsə email ünvanıma da cavab göndərəsiniz. ƏVVƏLCƏDƏM MİNNƏTDARLIĞIMI BİLDİRİRƏM!

Answer:

 
AR Ailə Məcəlləsinin 58.1-ci maddəsinə əsasən valideynlər uşaqlarını tərbiyə etmək hüququna malikdirlər və uşaqlarını tərbiyə etməyə borcludurlar.
 
Ailə Məcəlləsinin 58.2-ci maddəsinə görə valideynlər uşaqların tərbiyəsinə, sağlamlığına və onların psixi, fiziki, mənəvi inkişafına görə məsuliyyət daşıyırlar.
 
Ailə Məcəlləsinin 61.3-cü maddəsinə görə uşaqlarından ayrı yaşayan valideynlər valideynlik hüququnun həyata keçirilməsi qaydası haqqında yazılı saziş bağlaya bilərlər. Valideynlər yazılı razılığa gələ bilmədikdə, mübahisə onların (onlardan birinin) tələbi əsasında müvafiq icra hakimiyyəti orqanının (yerli icra hakimiyyətlərinin qəyyumluq və himayə orqanlarının) iştirakı ilə məhkəmə tərəfindən həll edilir.
 
Göründüyü kimi, keçmiş həyat yoldaşınızla yazılı saziş bağlamaqla uşağınızla ünsiyyətdə olmaq qaydasını müəyyənləşdirə bilərsiniz. Əgər bu barədə razılıq əldə edə bilməsəniz, məhkəməyə müraciət etmək hüququnuz vardır. Məhkəmə Sizin uşağınızla ünsiyyət qurmaq hüququnuzdan, o cümlədən bu məsələdə uşağınızın hüquq və marağının müdafiəsinin zəruriliyindən çıxış edərək və işin hallarını nəzərə alaraq Sizin uşağınızla ünsiyyət qurmaq hüququnuzun həyata keçirilməsi qaydasını (ünsiyyətin vaxtı, yeri, müddəti və s.) müəyyənləşdirməlidir.

02:21

19-10

NIHAT AGALAROV

Question: Salam.eger dogum haqqinda şehadetname itibse bununla bagli hara muraciet olunmalidir...? 40-45il bundan once alinmish bir sened onceden teshekkur

Answer:

 
VVADQ (ZAQS) orqanlarına və ya ASAN xidmət mərkəzlərinə müraciət edə bilərsiniz.

1 2 3