Azərbaycan Respublikasının Prezidenti yanında Qeyri-Hökmət Təşkilatlarına Dövlət Dəstəyi Şurası

Baku, Fuzuli (former Basin) str. 49, "SKS" Plaza, 8th floor
Tel/Fax: +994 12 492 28 83
             +994 12 492 03 57
E-mail: info@lawreform.az

LEGAL COUNSEL

Secure code           

03:29

24-04

MURAD AGAYEV

Question: İxtisar zamanı hansı işçilər işdən çıxarıla bilməz?

Answer: İşçilərin ixtisarı zamanı işdə saxlanmağa üstünlüyü olan şəxslərin dairəsi Azərbaycan Respublikası Əmək Məcəlləsinin 78-ci maddəsində nəzərdə tutulmuşdur. Həmin maddənin 1-ci hissəsinə görə müvafiq hallarda işçilərin sayı azaldılarkən və ya ştatların ixtisarı həyata keçirilərkən müəyyən vəzifələr üzrə əmək funksiyasının icrası üçün tələb olunan ixtisasın (peşənin) və peşəkarlıq səviyyəsinin daha yüksəyinə malik olan işçilər işdə saxlanılır. İşçinin peşəkarlıq səviyyəsini işəgötürən müəyyən edir.

Həmin maddənin 2-ci hissəsinə görə işəgötürən ixtisasları (peşələri) və ya peşəkarlıq səviyyələri eyni olduqda aşağıdakı şəxslərin işdə saxlanmasına üstünlük verir: şəhid ailəsinin üzvlərinə; müharibə iştirakçılarına; əsgər və zabitlərin arvadlarına (ərlərinə); öhdəsində iki və daha çox 16 yaşınadək uşağı olanlara; həmin müəssisədə əmək şikəstliyi almış və ya peşə xəstəliyinə tutulmuşlara; məcburi köçkün, onlara bərabər tutulan şəxsvə qaçqın statusu olan şəxslərə; kollektiv müqavilələrdə və ya əmək müqavilələrində nəzərdə tutulan digər şəxslərə. 

01:45

24-04

EHLIMAN ISMAYILOV

Question: İşəgötürən həqiqi hərbi xidmətə çağırılmış işçi ilə olan əmək müqaviləsini ləğv edə bilərmi?

Answer:  Bu halda əmək müqaviləsinin işəgötürən tərəfindən ləğv edilməsindən deyil, tərəflərin iradəsindən asılı olmayan hallarda əmək müqaviləsinə xitam verilməsindən söhbət gedir.

Belə ki, Azərbaycan Respublikası Əmək Məcəlləsinin 74-cü maddəsinin 1-ci hissəsinin “a” bəndinə görə işçi hərbi və ya alternativ xidmətə çağırıldıqda onunla bağlanmış əmək müqaviləsinə xitam verilir.
İşçi ilə bağlanmış əmək müqaviləsinə Əmək Məcəlləsinin 74-cü maddəsinin birinci hissəsinin “a” bəndi ilə xitam verildikdə işəgötürən işçiyə orta aylıq əmək haqqının azı iki misli miqdarında müavinət ödəyir (Əmək Məcəlləsinin 77-ci maddəsinin 7-ci hissəsi).  

08:24

17-04

SAMIR DAMIROV

Question: Salam! Mən, yaşadığımız mənzilin özəlləşdirilməsi ilə bağlı Sizə müraciət edirəm. Yaşadığımız mənzil 1989-cu ildə "Qaradağ Quşçuluq Fabriki" tərəfindən həmin müəssisənin işçisi olan atam Dəmirov Abbas Ramazan oğluna Xidməti Yaşayış Sahəsi kimi verilmişdir. Lakin Xidməti Yaşayış sahələri "Xüsusi Təyinatlı Mənzil Fonduna" aid olduğu üçün mənzilin özəlləşdirilməsinə icazə verilmir. (Mənbə: Mənzil Məcəlləsi 91.3-cü maddə) Yəni belə çıxır ki, mənzilimizi özəlləşdirmək üçün gərək mənzil "Xüsusi təyinatlı Mənzil Fondundan" çıxarılsın. Bu isə Əmlak Məsələləri Dövlət Komitəsi ilə razılaşdırılmaqla, Mərkəzi İcra Hakimiyyəti Orqanının qərarı əsasında həyata keçirilir. (Mənbə: Nazirlər Kabinetinin 25.06.2010-cu il tarixli 119 n-li Qərarının 1.8-ci maddə) Bunun üçün mən Qaradağ r-nu İcra hakimiyyətinin əməkdaşlarına şifahi müraciət etdikdə onlar mənzilin özəlləşdirilməsinin mümkün olmadığını bildirdilər. Sizdən xahiş edirəm mənzilin özəlləşdirilməsi ilə bağlı mənə yardım edəsiniz. Öncədən təşəkkür edirəm. Sağolun! Hörmətlə, Dəmirov Samir Abbas oğlu

Answer:  Qaradağ r-nu İcra hakimiyyətinə yazılı müraciət edin, imtina cavabını aldığınız gündən 30 gün müddətində cavab vermədikləri təqdirdə isə 35 gün müddətində aidiyyatı İnzibati-İqtisadi məhkəməsində cavabdeh Qaradağ İH-i olmaqla Məcburetmə haqqında iddia qaldırmaqla Məhkəmə Müdafiəsindən istifadə edə bilərsiz.

07:27

30-03

ILHAM SAMADOV

Question: Mənim atam Səmədov Nəsib 1991-ci ildə Bakı şəhəri Xətai rayonu Həzi Aslanov qəsəbəsi 7-ci dairəvi ev 24 ünvanındakı Fərdi yaşayış evi əldə edib. Fərdi yaşayış evinin texniki pasportu və qeydiyyat vəsiqəsi var. Torpaq sahəsi 10 sotdur və fərdi yaşayış evi tikmək üçün nəzərdə tutulub. Biz həyətin bir tərəfində icazə almadan yeni ev tikmişik. Tikilən ev şəhərsalma və tikinti normalarına cavab verir. Biz indi həmin evə sənədləşdirmək istəyirik. Mənə nə sənədlər lazımdır və hansı qurumlara müraciyət etməliyəm. Çox xahiş edirem geniş cavab yazın. Əvvəlcədən təşəkkürümü bildirirəm.

Answer:  Tikilinin Layihəsini bu işlə məşqul olan şirkətlərin birində çəkdirdikdən sonra Layihənin Təsdiqlənməsi üçün aidiyyatı İcra Hakimiyyətinin Memarlıq və Arxitektura şöbəsinə müraciət etmək lazımdır. Tikilinin Layihəsi bu qurum tərəfindən təsdiqləndikdən sonra tikili qanuni tikili hesab olunur və mülkiyyət hüququnu qeydə aldırmağınız üçün aidiyyatı DƏDRX-ya müraciət edə bilərsiz.

06:44

19-03

ELMAN ABDULLAYEV

Question: Salam. Torpaq ve emlak vergisinin odenilmesi ucun inzibati erazi bolgusunu deqiqlewdirmek gerekir. Tovuz weherinin merkezinde yawayiram. Yawayiw yerim 3 cu kateqoruyaya yani diger weherler, rayon merkezleri olan kateqoriyaya duwur, yoxsa 4 cu kateqoriyaya yani rayon tabeliyinde olan weherlere? Tovuz rayonunda iki weher var, Tovuz weheri ve Qovlar weheri

Answer:  Bu barədə aidiyyatı Qurum olaraq Dövlət torpaq və Xəritəçəkmə komitəsinə sorğu ilə müraciət edə bilərsiz. Ancaq həmin qurumda LəğvEtmə komissiyası fəaliyyət göstərdiyindən Onların səlahiyyəti ƏM üzrə DK-i yanında Daşınmaz Əmlakın Dövlət Reysteri Xidmətinə keçdikdən sonra bu quruma müraciət etməklə və ya Vergilər Nazirliyinə Sorğu yazmaqla məsələni dəqiqləşdirə bilərsiz.

16:18

13-03

AYNUR ISRAFILOVA

Question: SALAM.MEN GOYCAY qeydiyyatindayam.(1985.10.20).Yoldasim BAKI qeydiyyatli(dogum tarixi(1979.09.11).Bir ovladimiz var.Evimiz yoxdur.Yoldasim seker xestesidir.Mene sosial yardim dusurmu?Dusurse hansi senedler lazimdir?Hansi halda sosial yardim vetendas ala bilmez?

Answer:  Aynur xanım, Ünvanlı Sosial yardım üçün vətəndaş müraciət etdikdən sonra aidiyyatı qurumda yaradılmış komissiya tərəfindən yaşayış yeri üzrə yoxlama həyata keçirilir, ehtiyac meyraı müəyyən edilir. Bu kimi prosedurlardan sonra Ünvanlı Sosial Yardımın məbləği müəyyən edili və təyin edilir. ərazi aidiyyatı üzrə Ünvanlı Sosial yardım Mərkəzinə müraciət edən tələb olunan sənədlərin siyahısını onlardan əldə edə bilərsiz. əgər hər hansı bir qanun pozuntusu ilə qarşılaşsaz, o zaman Əmək və Əhalinin Sosial Müdafiəsi Nazirliyinə müraciət edin.

15:27

13-03

SETULLAYEV KAMRAN

Question: dollarla goturen kreditler haqda ,xahis edirem ki,qanuna esasen bir nelumat vererdiniz.

Answer:   

Hörmətli vətəndaş, may ayının 7-i 2015-ci il tarixdə dollarla olan kreditlər barədə Konstitusiya Məhkəməsinin verəcəyi qərarı gözləməyiniz tövsiyə olunur.

15:19

12-03

CEFEROVA SEVDA

Question: Men telebeyem.. Anam 2 ci qrup elildir. Atamda rehmete gedib.. men atama göre pensiya alirdim.bu pula men dolana bilmediyime göre is tapdimki isleyim.. menim pulumu kesdiler.. bu ne derecede duzgundur??

Answer:  Məsələnin mahiyyətini və şikayətinizi əks etdirən bir Ərizə ilə Əmək və Əhalinin sosial Müdafiəsi nazirliyinə və Sosial Müdafiə Fonduna müraciət etməyiniz tövsiyə olunur.

06:11

10-03

ƏBüLFəZ QAFAROV

Question: boşanma zamanı mülkün bölünməsi hansı qaydada aparılır ətraflı məlumat verərdiniz zəhmət olmasa

Answer:  Hörmətli vətəndaş, AR Ailə qanunvericiliyinə əsasən nikah müddətində ər-arvadın əldə etdikləri əmlak onların ümumi birgə mülkiyyəti sayılır. 

Ər-arvadın ümumi birgə mülkiyyətinə:
           -  onların hər birinin əmək, sahibkarlıq və intellektual fəaliyyəti nəticəsində əldə etdikləri gəlirlər, aldıqları pensiya və müavinətlər, eləcə də xüsusi təyinatı olmayan digər pul ödəmələri (şikəstlik, sağlamlığın bu və ya digər formada pozulması nəticəsində əmək qabiliyyətinin itirilməsinə görə ödənilən məbləğ, maddi yardımın məbləği və s.);
            - ər-arvadın ümumi gəlirləri hesabına əldə edilən daşınar və daşınmaz əşyalar, qiymətli kağızlar, kredit idarələrinə və ya sair kommersiya təşkilatlarına qoyulmuş paylar, əmanətlər, kapitaldan olan paylar və əmlakın ər-arvaddan kimin adına əldə olunmasından, yaxud əmanətin kimin adına və ya kim tərəfindən qoyulmasından asılı olmayaraq nikah dövründə ər-arvadın qazandığı hər hansı sair əmlak daxildir.
Nikah dövründə ev təsərrüfatı ilə, uşaqlara qulluq etməklə məşğul olduğundan və ya digər üzrlü səbəblərə görə müstəqil qazancı olmayan ər (arvad) da ümumi əmlak üzərində hüquqa malikdir.
Nikaha daxil olanadək onlara məxsus olan əmlak, habelə nikah dövründə hədiyyə şəklində və ya vərəsəlik qaydasında, digər əvəzsiz əqdlər üzrə əldə etdikləri əmlak ər-arvadın hər birinin ayrıca mülkiyyətindədir (ər-arvadın hər birinin əmlakıdır).
Zinət əşyaları istisna olmaqla, fərdi istifadə şeyləri (geyim, ayaqqabı və s.) nikah zamanı ər-arvadın ümumi vəsaiti hesabına əldə edilsə də, ər-arvaddan kimin istifadəsində olubsa, ona məxsusdur.
Ər-arvadın ümumi əmlakının bölünməsi nikah dövründə, eləcə də onlardan birinin tələbi ilə nikah pozulduqdan sonra, habelə kreditor ödəməni ər-arvadın ümumi əmlakında olan onlardan birinin payına yönəltmək üçün ümumi əmlakın bölünməsi tələbi barədə ərizə verdikdə həyata keçirilir.
Ər-arvadın ümumi əmlakı onların sazişi əsasında bölünə bilər. Belə saziş ər-arvadın arzusu ilə notariat qaydasında təsdiq edilə bilər.
Mübahisə olduqda, ər-arvadın ümumi əmlakının bölünməsi, eləcə də bu əmlakda ər-arvadın paylarının müəyyən olunması məhkəmə qaydasında həyata keçirilir.
Məhkəmə ər-arvadın ümumi əmlakını bölərkən onların tələbi ilə hər birinə çatacaq əmlakı müəyyən edir. Ər-arvaddan birinə, dəyəri ona çatası payın dəyərini aşan əmlak verildikdə, bunun əvəzində digərinə müvafiq məbləğdə pul və ya başqa kompensasiya verilə bilər.
Məhkəmə ər-arvadın ailə münasibətlərinə xitam verdiyi və ayrı yaşadığı dövrdə hər birinin qazandığı əmlakı onların hər birinin mülkiyyəti hesab edə bilər.
Yetkinlik yaşına çatmayan uşaqların tələbatını ödəmək üçün əldə olunan şeylər (geyim, paltar, ayaqqabı, məktəbli və idman ləvazimatları, musiqi alətləri, uşaq kitabxanası və s.) bölünmür və əvəzi ödənilmədən uşaqları ilə birgə yaşayan valideynə verilir.
Ər-arvadın ümumi əmlakı hesabına yetkinlik yaşına çatmayan ümumi uşaqların adına qoyulmuş əmanətlər həmin uşaqlara məxsus hesab edilir və ümumi əmlakın bölünməsi zamanı nəzərə alınmır.
Ər-arvadın ümumi əmlakı bölündükdə, nikah dövründə həmin əmlakın bölünməmiş hissəsi, eləcə də nikah dövründə sonradan qazanılmış əmlak onların birgə mülkiyyətini təşkil edir.
Nikah pozulduqda ər-arvadın ümumi əmlakının bölünməsi haqqında onların tələbinə 3 illik iddia müddəti tətbiq olunur.
 Ər-arvad arasındakı müqavilədə başqa hal nəzərdə tutulmayıbsa, onların ümumi əmlakının bölünməsi zamanı bu əmlakdakı payları bərabər hesab edilir.
Ayrı-ayrı hallarda məhkəmə yetkinlik yaşına çatmayan uşaqların mənafeyini və (və ya) ərin (arvadın) diqqətəlayiq mənafeyini, o cümlədən ər-arvaddan biri üzrsüz səbəbdən gəlir əldə etmədiyi və ya birgə mülkiyyəti ailənin mənafeyinə zidd olaraq sərf etdiyi hallarda nəzərə alıb onların birgə mülkiyyətinin bölünməsi zamanı payları bərabər bölməyə bilər.
Ümumi əmlak bölünərkən ər-arvadın ümumi borcları onların payına uyğun olaraq müəyyən edilir.

03:18

02-03

MəHəMMəD ABDULHəMIDOV

Question: Salam. Ev satışı haqqında yeni qanun qüvvəyə mindi, 3 il ərzində ev almış şəxslərdən 14% vergi tutulması barədə. Mən bilmək istərdim, bu qanun qüvvəyə mindikdən sonra alınan evlərə şamil olunur, yoxsa, mən 2013cü ildə ev almışamsa, mənə də şamil olunur?

Answer:  Hər bir qəbul edilən qanun yalnızca onun qüvvəyə mindiyi gündən sonra yaranan hüquqi-münasibətləri tənzimləyir. Əgər qanunun geriyə qüvvəsi şamil ediləcəksə o qanunun özündə nəzərdə tutulmalıdır. daha dəqiq desək sizin alqı-satqı münasibət6iniz bu dəyişiklik qüvvəyə minənə qədər baş verdiyindən sizə şamil edilmir.

1 2 3